الرئيسيةس .و .جبحـثقائمة الاعضاءالمجموعاتالتسجيلدخول

شاطر | 
 

 نهاية ولد يبغى يصير مغازلجي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اميرة الصمت
حرس الانمي والرسوم
حرس الانمي والرسوم


انثى عدد الرسائل : 467
العمر : 25
الاقامة : دار بومشعل
الهواية : كل شي
المزاج : emo
تاريخ التسجيل : 14/11/2007

مُساهمةموضوع: نهاية ولد يبغى يصير مغازلجي   الأربعاء أبريل 09, 2008 6:35 pm

--------------------------------------------------------------------------------

بسم الله الرحمن الرحيم
(( الجزء الأول))بصراحة أنا قلت في نفسي وش ناقصني عن شباب جيلي ليش هم كل واحد له خويه وأنا لااا؟؟


في يوم مشمس وخنفشاااري..حيث كانت اصوات الذباب
الرقيقة تلاعب اذني.. والصراصير تتمخطرعلى جسمي
المرهف..والنامس تاااكي على خدودي يتشمس..وانا غاط
في نوم عميق.وحاط جنب رااسي سطل كبير عشااان
سعابيلي اللي تقطر وانا نايم..وكنت غارق في الاحلام
الوردية وكانت طموحي الأولة والأخيرة إني اتعرف
على بنت......... المهم وانا في عز النوم والسعابيل إلا فجأة
رن التلفوووون
وطبعا تلفوننا شااايل ابووي منه كل الأرقام..موب مخلي الا رقمين التسعة والثمانية ..يعني مالك الا تدق على الشرطة ولا الدفاع المدني وغيره مافي..
المهم اني رفعت السماعة واقوول نعم..
الا وذاك الصوت اللي يرد الروووح..
صووووت بنت
واخووكم اذا سمع صوت بنت اووجعه بطنه وانواع الاسهال.
وقااالت الووو..
انا ماعاد عرفت وش اقول انشلت براطمي وطلعت كني ياسر عرفات.. ال ال ال ال لووووو..قالت..مين معاي..؟؟
قلت معاك انا..
صراحة جواب يدل على ذكائك قالتها وهي اللي تضحك..
وانا قلبي احسه موب طبيعي قالبها ساامري
واستنزل عندي الكبد والبنكريااس..انواع الربكة..
وقالت لي..سوسو موجودة..؟؟
قلت لها..ماينفع حوحو..؟؟
قالت مين حوحو..؟؟..قلت..هذا اسم الدلع حق الحمااراللي هو اناااا...وضحكت للمرة الثانية على التوالي..وقالت..يويو..
شكلي غلطانة.. طيب آسفة..
قلت لها..لاعادي..لاشكر على واجب..دايم اسمع هالكلمة..وجالس احترى الفرصة اني اقولها..!!..
وقفلت السماعة:....تصدقوون..ماادري وش صار فيني حسيت بشعقريره في جسمي..وان افرازات الخشم عندي زادت..
وان ودي اروح انبطح في الحوش واكتب قصيدة هجائية..
لايكون هذا هو الحب اللي يقولون علية..ينعل ابو الحب اللي تعرفه يالضفدع:!!.. عاد انا ماني متعود على البنات.. لان ماشاء الله بيتنا فيه 15 رجااال اللي هم انا واخواني وابوي وامي الله يخلف على ابوك وامك هذا وانت اكبر اخوانك عليه العوض ومنه العوض
المهم..يعني انا واخواني ماشفنا بنت ابد..وهذا اللي سبب لنا عقدة تسمى العقدة الفيسلوجيه..من وين جت ذي ومن اعراض هالعقدة انك تصير تحب أي شئ مؤنث منشفه، ولاااعة، سفينة، زبالة..المهم شئ مؤنث وبس...
لدرجة انه في مره من المرورات جاب ابوي شغالة..ومن يوم دخلت البيت الا وانا واخواني مرتكزين عند الباب..ونمشي وراها..تدخل المطبخ واحنا وراها..تطلع تروح الصالة وراها..تطلع الدور الثاني وراها..تخيلوا 13 واحد وراها وين ماتروح وربي حتى الحماام لو ماابوي وامي يمسكوننا اننا لندخل ورااها...واذا جا وقت نومها..نتبطح انا واخواني عند باب غرفتها اللين تصحى..لانتميلح عندها..
نغيل عنها المواعين والملابس ونكنس البيت كل واحد
منا يبيها تحبة

(( الجزء الثاني))
المهم..إني قررت اتعرف على بنات..بس في مشكلة وحده
اللي هي إني ماعندي اسلوب ابد..يعني وقفت على الأسلوب..
ينعل ابوك انت عندك الف مشكلة مومشكلة بس..
واهمها مشكلة وجهك اللي كنه لوحة انتبه امامك نقطة تفتيش.
الوكاد إني مالقيت قدامي الا واحد من العيال اسمه عبدوش..
معروف إن البنات مايعوقون معاه..
وانا اللي اللقط مفتاح سيارتي واروح له
الوكاد إني رحت لعبدوش..وعلمته بوضعي وان امنيتي في الحياة اتعرف على بنت قبل ما اموت..اخس يالشايب
فقال لي..السالفة بسيطة..اذا بغيت البنت تحبك حسسها انها احسن وحده في العالم...
قلت له..يعني كيف..يعني اقولها إنتي احسن من مادونا!!..
وهو اللي يرفسني برجله على بطني..
وقال لي..انت ثور..وش دخل مادونا يالغبي!!..
انا قصدي انك تحسسها بأنوثتها وان مافي بنت غيرها في العالم..قلت له..برضو مافهمت..يعني تبيني اذبح كل البنات واخليها لحالها!!..
وهو اللي يموه علي برجله ويمحطني بيده على جبهتي....
وقال لي..شوف انت حمار..ماراح تفهم الا بالدروس العلمية..
ويطلع جواله ويدق..وقال لي..شوف انا هالحين باكلم وحده..وانت انتبه لاسلوبي..وتعلم..
قلت له..طيب...
وكلم..وقال..هلا حياتي هلا عمري هلا روحي..انا لؤي حبيبك ومجنونك..
الحمد لله على العقل..ينعل ابوك وين لؤي معه..والله لو اشوف وجهه في احسن الأحوال بعد مااعطيه غير اسم جعفر..
قال ايش قال لؤي..
وقام يقول لها..احبك واموت فيك..انا بدونك مثل البيت بدون حارة..مثل التلفون بدون حرارة..
مثل السواق بدون سياره..
انا البنزين وانتي الشرارة..
انا الشارع وانتي الإنارة..انا الرومانسية وانتي الإثارة..
انا مبنى التجارة العالمي وانتي الطيارة..قسم بالله إني بغيت اضمه وابوسه يوم سمعت الكلام..
حسيت بشعور غريب..ينعل ابليسه لو يكلم جداركان ذاب

المهم..انه خلص المكالمه..والتفت لي..وقال لي..يالله دورك..
باعطيك رقم بنت وكلمها..وقول لها نفس كلامي..
قلت له بكل خجل..طيب..
وهو اللي يدق على بنت ويعطيني الجوال عشان اكلمها...
وانا اللي اقول الووو..ويوم سمعت صوتها ضاعت علومي..
ونسيت كل الكلام..وقلت لها..
بابا فين..وماحسيت الابذيك الجزمة اللي لازقة في قفاي...
وقال لي..قول نفس الكلام اللي قلته يالثور...
وانا اللي اقول لها..هلا حياتي هلا روحي هلا تعالي..
وقالت..طيب وبعدين..
قلت لها..انا بدونك مثل الكيبورد بدون فاره..
مثل التقاطع بدون إشارة..
مثل الحمار بدون حماره..
مثل السلطة بدون خياره..انا محترف وانتي نظام الإعارة..
انا الولاعة وانتي السيجارة..
انا الددسن وانتي الغمارة..
انا الصرصور وإنتي البيارة..
انا طوووط طوووط طوووط طووووط..قفلت الخط في وجهي...قال عبدوش..وش فيك؟؟..
قلت له..لاابد الخط مشغول مايعرف يصرف ابد
وماادريت الا عبدوش مطلع لوح فيه مساميرودجبني فيه اللين قلت للعنز ياخاله
((الجزء الثالث))
المهم إني رجعت للبيت ودماني تصب وماليه وجهي من كثر الطق اللي جاني من عبدوش

لدرجة ان اللي يشوفني مايعرفني..طالع كني مسابقة..من صاحب هذه الصورة..اللي يحطونها في المجلات..
وانا اللي ادخل البيت بشويش عشان مايشوفني احد..
واطلع غرفتي واسكر الباب وانا في عز النوم..دق جرس التلفون...

وارفع السماعة..الا هي نفس البنت اللي كلمتني اول مرة..
قلت.. نعم..
قالت..سوسو موجودة..؟؟
قلت لها..شوفي..بيتنا كله شباب..ومافيه احد يبدا اسمه بحرف السين.. انا واخواني كلنا اسمنا خالد..
ومافيه الا اخوي الصغير فهد هو اللي اسمه نايف ونناديه عبد الرحمن..وش عنده عادل امام
والبنت كررتها ضحكة..

قالت ما شاء الله دمك خفيف... هي تحسبني استهبل مادرت إني ادلخ من جد
وقلت لها..شكرا..مسوي مؤدب
وسألتني البنت..وش تسوي هاللحين..؟؟..
قلت لها..والله كنت نايم...
قالت..يويوتنام في الليل انت..!!..
قلت اجل متى انام..؟؟
قالت..لاانا انام في النهارواسهر في الليل...
قلت لها..ليش الأخت بومه!!..
قالت..لابس الليل وقت الرومانسية..
انت تعرف الرومانسية..؟؟
قلت لها..لاوالله مااعرف بنات انا..مسوي فيها فاهم

وسألتني..انت وش اسمك..؟؟
قلت لها مصيول
قالت وش معناه..
قلت لها..هذا اسم كلب كان عند جدي وسماني ابوي عليه لاني اشبهه...وسألتها..وانتي وش اسمك..
قالت..داليد..
قلت لها..انا ابي اعرف اسمك موعياراتك!!..
قالت..هذا اسمي!!..هذوللي البنات..تسألها وش اسمك تقول رهف ولا شوق ولا أفنان..ولو تشوف دفترالعايلة حق ابوها تلقى انواع الفضايح..شقحا..ولامشعا..ولامزنه

وسألتني..مصيول انت جربت الحب..؟؟
قلت لها..جربته وعشت احلى ايامي فيه كان حب عفري..قصده حب عذري بس انه من جنبها

بس انتهى هالحب..لان اللي حبيتها خانتني...
قالت لي..من حبيت..؟؟
قلت لها..حبيت عنزجيراننا..بس إنها خانتني مع تيس سوري عشان له قذله!!..
المهم..ان البنت قالتلي..اوكي اكلمك بكره لأن امي تناديني..
قلت مو مشكلة..

وتطورت العلاقة..وصرنا نكلم بعض كل يوم..وانا انقلب حالي..ولاحظوا أهلي إني تغيرت..يعني نكون جالسين على الغدا ولا العشا وانا ماآكل..سارح وانغف..وبعض المرات انسى اصبعي داخل خشمي

وبرضو صرت ادخل كتب منوعة للبيت..
مثل كتاب..ماذا تفعل في ليلة الدخلة..وكتاب..سنة اولى زواج..بس المشكلة انها ضاعت هالكتب مني وصرت اروح عند بيارة جارنا اللي طافحة واقعد افكر واتأمل وارمي حصى وسط البيارة..مسوي رومانسي..مثل اللي يجلسون على البحر ويرمون حصى المهم..إني في ليلة من الملايل..قالت لي البنت
مصيول..اوصفلي شكلك!!..
ياوالله البلشة..وش اقولها هذي اللحين..
اقولها إني قرد..
اعترف بالحقيقة المره واقولها إني جدارمالي ملامح..
اعترف لها إني شبيه عبدالله سليمان..الف حمد لله وشكر
الوكاد إني قلت في نفسي..ياولد خلني اسوي مثل كل الشباب..وانصب عليها يعني تلقى الواحد من الشباب شين واذا شفته في الشارع ماتدري هو رايح ولاجاي لأن وجهه ماله معالم..ولو تشوف وجهه تحسبه واحد معطيك قفاه..يعني مفروض يحط لووحه على وجهه ويكتب...ترى هذا وجهي..عشان الناس مايخلبطون بين وجهه وقفاه....وانا مثلكم واردى بعد..انا اذا قابلت احد يجلس ساعة محتار وين وجهي من قفاي وما يعرف الا اذا لقى الورقة..لان فيني ورقة مثل اللي تجي في الفنايل والسراويل عشان تعرف ورى من قدام!!...
المهم إني قلت لها..انا عيوني مثل عيون جواد..وطولي مثل طلال الرشيد..وخشمي مثل خشم خالد عبد الرحمن..وملامحي مثل ملامح راشد الماجد..ومهضوم كثير مثل رامي عياش...والله ما ناقص الا تحط ملحن معاهم ويكمل الاووبريتالوكاد..ان البنت شكلها خقت معي وقامت تشاهق من الفرحة..
وسألتها انا وانتي اوصفيلي شكلك....
قالت..مااقدر..لما تشوفني بتعرف..لان مالي شبيه..اخس يابرتني..وانا اللي افك خشتي وسعابيلي تقطور..كني كلب شايف له عظمة...
وقلت لها..يعني باشوفك..؟؟
قالت..اكيد..انا بكره باروح شاليهات اليمامة اللي على طريق الرياض الخرج..ونتقابل هناك..قلت لها..بس هذيك للعوائل بس..
قالت عاد انت دبر نفسك...
قلت اوكي مو مشكلة بس كيف اعرفك..
قالت بيننا الجوال..اذا وصلت كلمني وانا اعلمك وين تلقاني..
قلت لها خلاص الوعد هناك....

الجزء الرابع
المهم..إني توهقت..وش لون ادخل الشاليهات وهي للعوايل..وقلت مالي الاعبدوش..اتصل عليه واتفاهم معاه...
ودقيت عليه..ورد علي قال بعصبية..نعم وش تبي يالغبي..؟؟
..وعلمته بالسالفة من سلسل اللين طقاق عليكم
وقال لي..والله صعبة وش بتسوي..
قلت له..وش رايك تلبس عباة تسوي نفسك حرمة وتروح معي على انك زوجتي...
وهو اللي يتغير وجهه وقال..انا ولد ابوي..
قلت له..بالله..توني ادري..كنت احسبك ولد ابوي انا!!..
قال..تستهبل يالزبال..انا اسوي نفسي حرمة..ياويل ويلي ويلاه..خيل الخيل خيالها..
قلت له..يارجال كلك تبن لادوس في بطنك..جالسين في مضارب البادية احنا..!!..
قال لي..لايامصيول هذا شي مااقدرعليه..وش اقول للجماعة..؟؟
قلت له..ومن قالك اننا بنحضر عرس..حنا بنروح الشاليهات..وانت ماراح تكشف وجهك ابد..

الجزء الخامس
قال..طيب ليش انت ماتسوي نفسك حرمة وانا الرجال!!..
قلت له..يااخوي انا مااقدر..لاني لارجال نافع ولاحرمة نافع..وبعدين حتى لو غطيت وجهي بيكشفون إني ماني حرمة من ريحتي اللي كنها ريحة شرابات عزوبي...
قال لي..خلاص..بس لاحد يدري...قلت له..ابشر..بس جهزنفسك بكرة بامرك ونروح وأخذت سيارة واحد من العيال.. وهي اللي تجي تبي تركب..قلت لها..الله يعطينا ويعطيك ياخالة..وهي اللي تطق قزاز السياره شوي وتكسرها..وانا اللي اطلع من جيبي ريال ونص كنت ناوي اشتري فيه توكس..بس قلت مو خسارة فيها عشان الله يوفقني..
وتوني افتح الدريشة باعطيها..الاوهي تقول افتح الباب الله ياخذ هالراس..الصوت مو غريب علي...يووووووعبدوووووش.. قال ايه عبدوش ..الله لايبارك فيك..افتح بسرعة قبل مايطلع احد من اهلي...
وفتحت له الباب وركب..وانطلقنا للشاليهات

الجزء السادس
المهم وصلنا الشاليهات...ونزلنا من السيارة..
وامسك يد زوجتي..اللي هي عبدوش سابقا..ودفعنا التذاكر..



المهم..اننا رجعنا للحارس..واعتذرنا منه على سوء التفاهم..
ودفيناه بمية ريال عشان يسكت...
واول مادخلنا استأجرت شاليه صغير وقلت لعبدوش يجلس فيه..وانا باروح ادور خويتي....

وطلعت..دقيت جوال على خويتي..ووصفت لي مكانها...
تقول انها عند الشجر اللي جنب المطعم..وانا اللي اروح هناك
..واجلس ساعتين ادورها ومالقيتها..وادق عليها جوال
قلت لها..وينك فيه لي ساعتين ادورك...
قالت.. انت وينك بالضبط؟؟؟..
قلت لها..انا واقف جنب كيس زبالة..وانتي وينك..؟؟..
قالت..انا واقفة جنب واحد شكله مجنون وعليه قل صح...
وانا اللي التفت وراي..اووووب..هذي هي....افااا طلعت انا المجنون اللي تقصده..وطلعت هي كيس الزبالة اللي اقصده

وهي اللي تنصدم..وقالت..هذا انت..!!وين الوصف اللي تقول ..اجل طلال الرشيد هااااه..امحق طلال اللي تشبه له انت...
صادتني ان عيوني مثل عيون خالد الملا..وجسمي مثل نبيل شعيل..وخشمي مثل عبد المجيد عبدالله!!..

قلت لها..لاانا فعلا مثل ماقلت..بس صارلي حادث هو اللي اثر على وجهي..ولاانا كنت حلووو...اييه هين..

قالت..مو مشكلة اهم شي اسلوبك اعجبني..
قلت لها..اشوى ان اعجبك شي فيني....وطلبت منها انها توريني وجهها..
قالت..طيب بس لايشوفنا احد..وانا اللي اغطي عليها..
وقلت لها..يالله بسرعة....وهي اللي ترفع الغطوة..وانا اللي اضحك!!...
قالت..وش فيك تضحك..؟؟
قلت لها..يالله عاد بدون استهبال!!....
قالت..وش فيك؟؟..
قلت لها..يالله بسرعة شيلي القناع اللي على وجهك لاتستهبلين
!!....وهي اللي تقول..هذا وجهي الصدقي يالقرد...
وانا اللي انصدم واحس ان الأرض تدور فيني...
وش ذا الوجه الشيييين..اول مرة اشوف وجه يطلع منه ريحة
مخيسة...ينعل ابوها حتى الشجرة اللي كنا واقفين جنبها رفعت ثوبها وانحاشت..
وكل الشجر اللي كان حولنا انحاش وراح وقف في مكان ثاني بعيد من شين وجههااااا

وانا كنت حاط في بالي كلام رومانسي جلست عشرين دولار يوم احفظ فيه..
عشان إذا شفتها لقوله لها..بس يوم شفت وجهها اللي كنه واحد جالس في مجلس رجاجيل وفيه اسهال..
..وضيعت كل الكلام اللي حفظته وقمت الخبط في الكلام....
سألتها..ليش الغمص ساكن عيونك..؟؟
جاوبتني..من الأرق!!..
سألتها..طيب وش هالبيبسي اللي مكبوب على ثوبك..؟؟
جاوبتني..انا كنت حلوه..بس ان وجهي انحرق!!..
وسألتني..وش رايك فيني..مااشبه باسكال..؟؟
جاوبتها..إنتي جسمك جسم باسكال..بس الوجه الله خلق وفرق
!!..المهم إني ماقدرت اتحمل وجهها وقلت لها..إنتي جدك الأكبر كان غوريلا..؟؟
قالت لي..لااتطنز انت ووجهك..انا اول كنت مصدقة ان الديناصورات انقرضت..بس من يوم شفت وجهك عرفت ان هالكلام إشاعات!!!...
قلت لها..شوفي يا آنسة جراده..انا ودي اجاملك وقولك كلام حلو..بس وجهك كنه دعاية لاللمخدرات!!..
الجزء السابع
المهم..ان كل واحد منا تفل في وجه الثاني ورحنا...وانا من الصدمة توقف تفكيري..كل آمالي وأحلامي راحت ادراج الدواليب....وركبت السيارة..ورجعت للبيت وانا متحطم..
كنت متخيلها مثل مايا نصري ولاإليسا..وطلعت مثل فطومه...لاخلااااااص ماعاد ابي اتعرف على بنات...تكفى آخر مرة..حرام تحطم القلوب المعجبات ياراغب علامة..اقول انطم بس

الوكاد..اني سكرت باب الغرفة..ونمت نومة عدوكم..مسوي علوم رجال!..وماادريت إلا اليوم الثاني الا باللي يرفس الباب.. وانا اللي انقز من فراشي...وش السالفة يالربع..

الا وهو ابوي يصايح..
افتح يالسمرمدي..
افتح لابارك الله فيك..
وانا اللي افتح الباب....
الا وابوي في وجهي ووجهه مايطمن..
ويطلع ذيك العجرا من وراه..
وانواع التلحيط..
واخواني وامي واقفين عند الباب يتفرجون الأنذال...
من لقاها مصارعة على الطبيعة....
المهم..ان ابوي شغال ضرب فيني
ويقول تتزوج من ورانا يالخسيس..
قلت له..والله ماتزوجت...
قال..الا..لان الشاليهات اتصلوا علينا وقالو خلو مصيول يجي ياخذ زوجته اللي نساها امس...

وانا اللي تضيع علومي..
وابي افهم ابوي السالفة..بس انه وبعد جهد جهيد قدرت انفك من ابوي..ورحت لآخر الغرفة..وياخذ ابوي نعال ويرميها علي..وانا اللي اوخر عنها بسرعة وامسكها بفمي..متأثر بالأفلام!..واخواني يوم شافوني سويت هالحركة وهم اللي يصفقون لي...وانا اللي اتحمس..وانط على ابوي
وامسكه مسكه منومه..خربها الغبي مع ابوه!!..

وينط واحد من اخواني ويمسك يد ابوي ويرفعها
اول مره وطاحت ويرفعها
ثاني مرة وطاحت..
ويرفعها ثالث مره وطاااحت...
لااالااالااالااا غير معقول...
رفع ابوي يده وقام يأشر بأصبعه يعني لاتراني مانمت!!....
ويوم شفته مانام..
وانا اللي اقوم امسك ارجوله..واسوي له حركة مقصيه عشان يستسلم..بس مااستسلم..واخواني يقنعونه انه يستسلم بس هو عنيد يحاول يزحف عند الحبال..بس انا ماخليته يتنفس ..وفجأة..اووه..لاتدخل خارجي..امي جابت المقلاة ومحطتني على جبهتي محطة مدويه...

وتدخلوا اخواني ومسكوا امي طلعوها برا الحلبة عائلة دلووح المهم اني دخت وماعاد ادري وين انا وطحت مكاني..
ويزحف ابوي بشويش..ويحط يده على صدري..
ويعدون اخواني..واحد..اثنين..ثلاثة..فاز ابوووووي هيييييييه
...الحمد لله والشكر

المهم اني فهمت ابوي السالفة مااصلح في جريات ابد اعلم واكع على طووووووول ونمر بيت ابو عبدوش ونعلمه وانواع التميط فيني
المهم انا وصلنا الشاليهات وقلت له معى لك مفاجأة وهو اللي يضحك قال والله اني خابرك ذيب ماتترك خويك كذا الرجال ولا بلاشوو وانا اقول في صدري ايه هين وهو يقول اكيد بتعرفني على وحدة من خواتها
قلت ايه انا بعرفك على وحدة صحيه وهو يبي يشوف المفاجأة بيفصخ العباه قلت له خلها عليك كذا احسن..انواع النذالة فيني

وصلنا السيارة..الا وابو عبدوش ماسك مفك العجل في يده يحتري ولده...
وعبدوش من هول الصدمة ماعاد شالته رجليه..
طاح مكانه وقام يصيح ويولول...
واستلمه ابوه انواع تفقيع الوجه وانواع الترفيع والتنزيل....
وانا جالس اتفرج ومبسوط..
ومااادريت الا وابوي ماسكني وانواع الركب..وانا اللي اصيح فيه..هيه يابو الشباب..حلى هو..توك طاقني قبل شوي!!..
قال ابوي...ايه صيح..
بس عيب الرجال يطق ولده وانا جالس اتفرج..
لازم اسوي شي انا بعد..لاصراحة ان ابوي فاهم الأصول..
طالع لي

المهم..عقب الطق اللي كليته انا وعبدوش..تزاعلنا مع بعض..
وانا حرمت اتعرف على بنات..
ومثل ماقال المثل..ابعد عن الشر ياعمري وغني لووووه..
ودان دان لدانه دان وااويلووووه مشكلني حبك ياروح الروح مشكلني..يالبيه يالبنات اللي مع راشد في الفيديو كليب..اروح طحينيه معاهم..شكله ماتاب ناوي ينطق مرة ثانية

شغال ضرب فيني..ماترك لي فرصة..

منقول

بس القصه عجبتني ومت من الضحك

اتمنى انه يكون موضوع خفيف عليكم والقى ردود
ردود

_________________


عاشــــــــ الزعيم ــــــــــــقة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الشيخ المبدع
شيخ المنتدى
شيخ المنتدى


ذكر عدد الرسائل : 852
العمر : 26
الهواية : جدام الشاشة
المزاج : مب صاحي
تاريخ التسجيل : 22/09/2007

مُساهمةموضوع: رد: نهاية ولد يبغى يصير مغازلجي   الخميس أبريل 10, 2008 7:20 am

والله قصة عجيييييييييبة

أحلى شي يوم يقول لها ويا وجهج كانها لافته لا للمخدرات!
lol! lol! lol!

بس عيوني طلعت وانا اقرا huh

_________________
التوقيع:


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://qatar.coolbb.net
اميرة الصمت
حرس الانمي والرسوم
حرس الانمي والرسوم


انثى عدد الرسائل : 467
العمر : 25
الاقامة : دار بومشعل
الهواية : كل شي
المزاج : emo
تاريخ التسجيل : 14/11/2007

مُساهمةموضوع: رد: نهاية ولد يبغى يصير مغازلجي   الخميس أبريل 10, 2008 10:14 am

تسلم اخوي على المرور الطيب

ههههههههههههههه

والله القصه عجيبه وعجبتني علشان
جذي نقلتها بس للاسف شباب وبنوتات المنتدى راقدين <<اتفلسف

_________________


عاشــــــــ الزعيم ــــــــــــقة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الكنعاني
ولي العهد
ولي العهد


ذكر عدد الرسائل : 214
العمر : 28
تاريخ التسجيل : 07/11/2007

مُساهمةموضوع: رد: نهاية ولد يبغى يصير مغازلجي   السبت يونيو 21, 2008 11:54 am

و انا صارلي ساعة اقرا فيها عبالي من تاليفج و بالأخير منقول خخخخخخ
بس الصراحة اللي كتبها مبدع 12

_________________
تحت الانشاء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نهاية ولد يبغى يصير مغازلجي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قطر كوول :: حوطة الفريج :: النقاش العام-
انتقل الى: